Our Principal

Banner

Past Principals

  • Mr.K.Kanagasabai
  • Mr.A.Karunananthan
  • Mr.K.Sivaraja
  • Mr.M.Vaithiyanathan
  • Mr.K.Kailainathan
  • Mr.N.Veluppillai
  • Mr.K.K.Nadaraja
  • Mr.S.Pathmanathan
  • Mr.K.K.Senathiraja
  • Mr.N.Paramasivam
  • Mr.K.Somasekaram
மணிவிழா மலர் வாழ்த்துச்செய்தி அல்லது கட்டுரை
Sunday, 12 November 2017 01:19

எமது கல்லூரி அதிபரின் மணிவிழா அடுத்த மாதம் 3 ஆம் திகதி நடாத்த திட்டமிடப்பட்டுள்ளதால் மணிவிழா மலருக்கான வாழ்த்துச்செய்தி மற்றும் கட்டுரைகளை நவம்பர் 18 ஆம் திகதிக்கு முன்னர் கல்லூரி மின்னஞ்சல் முகவரிக்கு( This e-mail address is being protected from spambots. You need JavaScript enabled to view it ) அனுப்பி வைக்குமாறு அன்புடன் கேட்டுக்கொள்கிறோம்.

இப்படிக்கு

மணிவிழா ஏற்பாட்டுக்குழுவினர்

 
வெகுவிமரிசையாக நடைபெற்ற கல்லூரியின் பரிசளிப்பு விழா
Friday, 03 November 2017 14:43

2017 ஆம் ஆண்டிற்கான யாழ்ற்ரன் கல்லூரியின் பரிசளிப்பு விழா 2017.10.15 ஆம் திகதி மு.ப 9.00 மணிக்கு கல்லூரி அதிபர் திரு. வே. முருகமூர்த்தி அவர்கள் தலைமையில் ஆரம்பமாகி நடைபெற்றது.பிரதம விருந்தினராக இலங்கை மத்திய கல்வி அமைச்சின் செயற்றிட்டப் பணிப்பாளர் YARLTONIAN க. பத்மநாதன் அவர்களும் சிறப்பு விருந்தினராக கொழும்பு Quency Distributers உரிமையாளர் YARLTONIAN சு.கணநாதன் அவர்களும், கௌரவ விருந்தினராக காரைநகர் செல்லப்பா ஸ்ரோஸ் நிறுவன உரிமையாளர் YARLTONIAN வே. சிற்சபேசன் அவர்களும், கௌரவ விருந்தினராக காரைநகர் இ.போ.ச வின் ஓய்வு நிலை முகாரி YARLTONIAN தி.ஏகாம்பரநாதன் அவர்களும் கலந்து சிறப்பித்தனர்.

முதலில் விருந்தினர் கல்லூரியின் மாணவத்தலைவர்கள் அணி ,பான்ட் இசைக்குழு, தமிழ்ப்பாரம்பரிய இசை, நடன குழு ஆகியவற்றுடன் விழா மண்டபத்திற்கு அழைத்து வரப்பட்ட காட்சி பார்வையாளர்களை பரவசமூட்டியது.

தேசியக்கொடி, கல்லூரிக்கொடி ஏற்றப்பட்டு தொடர்ந்து மங்கள விளக்கேற்றலுடன் விழா ஆரம்பமாகியது. அதிபர் தனது பரிசுத்தின அறிக்கையில்

  1. கல்லூரி வரலாற்றில் முதல் தடவையாக க.பொ.த உ/த வர்த்தகப் பிரிவில் 3 பாடங்களில் A சித்திகளை மாணவி சுப்பிரமணியம் மனோகரி பெற்றமை
  2. மாணவி.அ.சசிகலா க.பொ.த உ/த பிரிவில் கைத்தொழில் தொடர்பாடல் தொழில்நுட்ப பாடத்திற்கு (IIT) ஊவா வெல்லச பல்கலைக்கழக அனுமதி பெற்றமை
  3. 2017 ஆம் ஆண்டு தீவகக் கல்வி வலயத்தில் அதிகூடிய மாணவர்களாக 8 மாணவர்கள் தரம் 5 புலமைப்பரிசில் பரீட்சையில் சித்தியடைந்தமை அவர்களைக் கற்பித்த ஆசிரியர் திரு.மு.சுகந்தன் அவர்களின் சாதனைகள் ஆகியவை மகுடம் வைத்தமை போன்று காணப்படுகின்றது எனக்குறிப்பிட்டார்.

மேலும் அதிபர் தான் 08.12.2017 அன்று ஓய்வு பெற இருப்பதைத் தெரிவித்து தனது சேவைக்காலத்தில் மாணவர்களின் வெற்றிகள், பௌதீகவள முன்னேற்றங்கள் என்பவற்றை மிகவும் தெளிவாக எடுத்துக்காட்டினார்.

அதிபர் மேலும் அறிக்கையில் பிரதம விருந்தினர் க.பத்மநாதன் (YARLTONIAN) அவர்களின் வருகை கல்லூரி அன்னைக்கு பெருமை சேர்ப்பதாகவும் எடுத்துரைத்தார்.

சிறப்பு விருந்தினர் சு. கணநாதன் (YARLTONIAN) அவர்கள் கல்லூரியின் பௌதீக வள வளர்ச்சிக்கு தனக்கு பெரிதும் பங்காற்றி செயற்பட்டமையையும் தெளிவு படுத்தினார்.

கௌரவ விருந்தினர் வே.சிற்சபேசன் (YARLTONIAN) தனது சேவைக்காலத்தில் கல்லூரி முன்னேற்றம் அபிவிருத்தி என்பவற்றில் காட்டிய அக்கறையினை கோடிட்டுக் காட்டினார்.கௌரவ விருந்தினர் தி.ஏகாம்பரநாதன் (YARLTONIAN) அவர்களின் உறவினர்கள் பரிசுத்தினத்திற்கு ஆற்றிவரும் பங்களிப்பினையும் பாராட்டிப்பேசினார்.

மேற்படி விருந்தினர்கள் கல்லூரிக்கு ஆற்றிய சேவையைப் பாராட்டி பொன்னாடை போர்த்து நினைவுப் பட்டயம் வழங்கி கௌரவப் படுத்தப்பட்டனர்.

தொடர்ந்து அதிபர் தனது உரையில் கல்லூரியின் பரிசுத்தின அனுசரணையாளர் (திருமதி) வைத்தியகலாநிதி ஸ்ரீதாரணி விமலன் குடுபம்பத்தினர் (கனடா) 13 ஆண்டு காலமாக பரிசுத்தினத்திற்கு அனுசரணையாளராக இருந்து அவரது பேரனார் திரு.வை காசிப்பிள்ளை ஞாபகார்த்தமாக செய்து வரும் இப்பரிசளிப்பு விழாக் கைங்கரியத்திற்கு அதிபர் தனது பாராட்டுக்களையும் மனம் நிறைந்த நன்றிகளையும் தெரிவித்தார்.

மாணவர்களின் கலைநிகழ்ச்சிகளுடன் பரிசளிப்பு விழா இனிதே நிறைவேறியது.

இத்துடன் கல்லூரி அதிபரின் 2016ஆம் ஆண்டிற்கான பரிசுத்தின அறிக்கையும் இணைக்கப்பட்டுள்ளது.

 

Read more...
 
புலமைப்பரீட்சை பெறுபேறுகளில் தீவக வலயத்தில் கல்லூரி முதலிடம்
Tuesday, 10 October 2017 00:00

கடந்த ஆகஸ்ட் மாதம் நடைபெற்ற தரம் 5 புலமைப்பரீட்சையில் யாழ்ற்ரன் கல்லூரியில் 8 மாணவர்கள் சித்தி அடைந்துள்ளனர். தீவகக் கல்வி வலயத்தில் உள்ள பாடசாலைகளில் அதிகூடிய எண்ணிக்கை மாணவர் சித்தி அடைந்த பாடசாலையாக யாழ்ற்ரன் கல்லூரி திகழ்கின்றது. இம் மாணவர்களையும், இம் மாணவருக்கு கற்பித்த ஆசிரியர் திரு. முருகையா சுகந்தன், மற்றும் ஆரம்பப்பிரிவுத் தலைவர் திருமதி கலைவாணி அருள்மாறன் ஆகியோரையும் கல்லூரி அதிபர் திரு வே.முருகமூர்த்தி அவர்கள் பாராட்டுகின்றார்.

 
மாகாண மட்ட ஆங்கில தினப்போட்டிகளில் யாழ்ற்ரன் கல்லூரி மூன்றாமிடம்
Wednesday, 02 August 2017 16:16

கல்வி அமைச்சினால் நடாத்தப்படுகின்ற ஆங்கில தினப்போட்டிகளில் தரம் 03 இல் கல்வி கற்கும் மாணவி தேவராசா தர்மினி ஆங்கில மொழியிலான உறுப்பெழுத்துப் போட்டியில் மாகாண மட்டத்தில் 3ஆம் இடத்தைப் பெற்றுள்ளார். இம்மாணவியையும் இவரை நெறிப்படுத்திய ஆரம்பப்பிரிவு முதல்வர் திருமதி கலைவாணி அருள்மாறன் அவர்களையும் கல்லூரி அதிபர் பாராட்டுகின்றார்.

 
2016 ஆம் ஆண்டு க.பொ.த உயர்தரத்தில் கல்லூரி வரலாற்றில் 3 பாடங்களில் A தரங்கள் பெற்ற மாணவி மற்றும் பல்கலைக்கழக அனுமதி பெற்ற மாணவர்களுக்குமான கௌரவிப்பு விழா
Monday, 17 July 2017 16:01

அமரர்கள் திரு.திருமதி.கனகலிங்கம் அவர்களின் ஞாபகார்த்தமாக யாழ்ற்ரன் கல்லூரி வரலாற்றில் முதல் தடவையாக க.பொ.த (உ/த) 3 பாடங்களிலும் A சித்திபெற்ற மாணவிக்கும், மற்றும் பல்கலைக்கழக அனுமதி பெற்ற மாணவர்களுக்குமான கௌரவிப்பு விழா 2017-07-07 ஆம் திகதி வெள்ளிக்கிழமை மு.ப 8.00 மணிக்கு ஆரம்பமாகி கல்லூரி அதிபர் திரு.வே.முருகமூர்த்தி அவர்கள் தலைமையில் நடைபெற்றது.

பிரதம விருந்தினராக திரு.S.செல்வராசா (உதவிக் கல்விப்பணிப்பாளர் (தமிழ்), தீவகக் கல்விவலயம்) அவர்களும், சிறப்பு விருந்தினர்களாக திரு.N.விஜயகுமார் (விரிவுரையாளர், தேசியகல்வியியல் கல்லூரி. யாழ்ப்பாணம்) அவர்களும், திரு.S.சதாசிவம் (ஓய்வுநிலை கடதாசிக் கூட்டுத்தாபன உத்தியோகத்தர்) அவர்களும், கௌரவ விருந்தினராக திரு.E.ஞானேஸ்வரன்; (ஆசிரியர்,அருணோதயகல்லூரி,அளவெட்டி) அவர்களும் கலந்து சிறப்பித்தனர்.

விருந்தினர்கள் கல்லூரியின் "பான்ட்"குழுவினரால் அழைத்துவரப்பட்டு விழா ஆரம்பமாகியது. விழாவில் 3A சித்திகள் பெற்ற மாணவி செல்வி. மனோகரி சுப்பிரமணியம் அவர்களுக்குத் தங்கப்பதக்கம் அணிவித்து, நினைவுச்சின்னம் வழங்கி கௌரவிக்கப்பட்டது. மற்றும் பல்கலைக்கழக அனுமதி பெற்றமாணவர்களுக்கும் நினைவுச்சின்னங்கள் வழங்கி கௌரவிக்கப்பட்டது. மாணவர்களின் பெற்றோர்கள் அழைக்கப்பட்டு குறித்தமாணவர்கள் பெற்றோர்களுடன் கௌரவிக்கப்பட்டனர்.

மேலும் இம்மாணவர்கட்கு கற்பித்த சகல ஆசிரியர்களும் பொன்னாடை போர்த்து நினைவுச்சின்னம் வழங்கி கௌரவிக்கப்பட்டனர்.

அதிபர் தனது உரையில் மாணவர் கௌரவிப்பு அனுசரணையாளராக இருந்த அமரர்கள் (பாணந்துறை) முருகேசு கனகலிங்கம் மற்றும் திருமதி பத்மாவதி கனகலிங்கம் ஞாபகார்த்தமாக அவரது பிள்ளைகளுக்கு தனது உளங்கனிந்த நன்றிகளைத் தெரிவித்தார்.

கல்லூரி மாணவி செல்வி மனோகரி சுப்பிரமணியம் கல்லூரி அதிபருக்கும் கற்பித்த ஆசிரியர்கட்கும் பாராட்டுப் பத்திரம் வழங்கி கௌரவித்தார். மற்றும் கைத்தொழில் தகவல் தொடர்பாடல் தொழில் நுட்பத்துறைக்கு அனுமதி பெற்ற செல்வி சசிகலா அம்பலவாணர் அவர்களும் அதிபருக்கு பாராட்டுப் பத்திரம் வழங்கி கௌரவித்தார்.

 
யாழ்ற்ரன் கல்லூரியின் 2016 ஆம் ஆண்டு க.பொ.த சா.தர பரீட்சையின் சிறப்புச் சித்தி பெற்ற மாணவர்களுக்கான அமரர் (தலைப்பா) கணபதிப்பிள்ளை ஞாபகார்த்த கௌரவிப்பு விழா
Monday, 26 June 2017 15:56

யாழ்ற்ரன் கல்லூரியில் 2016 ஆம் ஆண்டு க.பொ.த சா.தர பரீட்சையில் 5A யும் அதிலும் கூடிய A சித்தியைப் பெற்ற மாணவர்களுக்கு (8 மாணவர்கள்) நினைவுச் சின்னம் வழங்கி (Memento) கௌரவிக்கப்பட்டன.  மேலும் க.பொ.த உயர்தர வகுப்புக்கு தகமை பெற்ற அனைத்து மாணவர்களுக்கும் புத்தகப் பரிசும் வழங்கி கௌரவிக்கப்பட்டனர். இவ்விழாவின் பிரதம விருந்தினராக  Colombo Quency Distributors உரிமையாளர் திரு.S. கணநாதன் (Yarltonion) அவர்களும் சிறப்பு விருந்தினராக சுந்தரமூர்த்தி நாயனார் வித்தியாலய ஆசிரியர் திருமதி க. லிங்கேஸ்வரன் அவர்களும், கௌரவ விருந்தினராக வியாவில் ஐயனார் தேவஸ்தான ஆதீன கர்த்தா திரு.க.சோமசேகரம் (Yarltonion) அவர்களும்  கலந்து சிறப்பித்தனர்.

இந்நிகழ்ச்சிக்கான அனுசரணையை Colombo Quency Distributors உரிமையாளர் திரு.எஸ். கணநாதன் (Yarltonion) அவர்கள் வழங்கியிருந்தார்.

அதிபர் தனது உரையில் இந்நிகழ்ச்சிகளுக்கு அனுசரணையை வழங்கியிருந்த அமரர் தலைப்பா கணபதிப்பிள்ளை அவர்களின் பேரனும் Colombo Quency Distributors உரிமையாளருமான திரு.எஸ். கணநாதன் (Yarltonion) அவர்களுக்கு தனது இதயங் கனிந்த நன்றிகளையும் பாராட்டுக்களையும் தெரிவித்தார். மேலும் திரு கணநாதன் அவர்கள் யாழ்ற்ழன் கல்லூரிக்கு செய்த அளப்பரிய சேவைகளை கோடிட்டுக் காட்டி நன்றியுடன் நினைவு கூர்ந்தார்.

 
« StartPrev12345678910NextEnd »

Page 1 of 26


Powered by Joomla!.